Katrin Apel

Katrin Apel
Statsborgarskap	Tyskland, Den tyske demokratiske republikken
Fødd	4. mai 1973 (51 år) Erfurt
Idrett	skiskyting
Tok del i	Skiskyting under Vinter-OL 1998 – Sprint kvinner, biathlon at the 1998 Winter Olympics – women's relay, biathlon at the 2002 Winter Olympics – women's relay, biathlon at the 2006 Winter Olympics – women's relay

Katrin Apel (fødd 4. mai 1973) er ein tysk skiskyttar. Ho er to gonger olympisk meister og fleire gonger verdsmeister på stafett med det tyske laget.

Apfel vart fødd i Erfurt i Thüringen i DDR. Ho gjekk på sportsskule (Kinder- und Jugendsportschule) i Oberhof. Frå 1989 til 1993 tok ho lærarutdanning i Schmalkaldehn. Deretter gjekk ho inn i idrettsgruppa i den tyske hæren, Bundeswehr. Ho bur med sambuaren Thomas Burmann i Gräfenroda nær Oberhof.

Apel starta idrettskarrieren sin som langrennsløpar. Etter at ho ikkje klarde å kvalifisera seg til OL på Lillehammer i 1994 gjekk ho over til skiskyting. Allereie i VM i 1996 i Ruhpolding vann ho gull med stafettlaget og i lagkonkurransen. Ho har seinare vore med på to VM-stafettgull til, og OL-gull i stafett i både 1998 og 2002. Individuelt har ho to VM-sølv, og ein OL-bronse. 2001/02-sesongen var Apel sin beste sesong så langt, då vann ho sine tre første verdscuprenn, og kom på 5. plass i verdscupen samanlagt.

Kortfatta merittliste

(per 26. februar 2006)

• Verdscupen samanlagt:
  • 5. plass (2001/02)
• Verdsmeisterskap:
  • 4 gull, 5 sølv, 1 bronse (beste individuelt: 2 sølv, på sprint i 2000 og fellesstart i 2004)
• Olympiske leikar:
  • 2 gull, 1 sølv, 1 bronse (beste individuelt: bronse, sprint 1998)
• Verdscuprenn:
  • 4 gull, 5 sølv, 8 bronse

Bakgrunnsstoff

• «Katrin Apel». olympedia.org. Henta 14. november 2022.